Það fóru tveir æfingaleikir fram í gær þar sem Breiðablik og Stjarnan skildu jöfn í fjögurra marka leik annars vegar og Afturelding fór létt með Kára hins vegar.
Arnór Sveinn Aðalsteinsson og Dagur Örn Fjeldsted skoruðu mörk Blika á meðan Jóhann Árni Gunnarsson setti tvö fyrir Stjörnumenn.
Arnór Gauti Ragnarsson skoraði þá tvennu í 4-0 sigri Aftureldingar og komust Sævar Atli Hugason og Patrekur Orri Guðjónsson einnig á blað eftir hættulegar hornspyrnur Mosfellinga.
Afturelding á næst æfingaleik við ÍBV á fimmtudaginn og mætir svo til leiks í Mjólkurbikarnum viku síðar. Þar er spennandi leikur framundan gegn Grindavík.
Breiðablik 2 - 2 Stjarnan
Mörk Breiðabliks: Arnór Sveinn Aðalsteinsson, Dagur Örn Fjeldsted
Mörk Stjörnunnar: Jóhann Árni Gunnarsson (2)
Afturelding 4 - 0 Kári
Mörk Aftureldingar: Arnór Gauti Ragnarsson (2), Sævar Atli Hugason, Patrekur Orri Guðjónsson
