Hlín Eiríksdóttir.
Landsliðskonan Hlín Eiríksdóttir lék í dag allan leikinn fyrir Piteå er liðið þurfti að sætta sig við tap í sænsku úrvalsdeildinni.
Piteå fékk Eskilstuna í heimsókn þegar Fanny Victoria Andersson skoraði á elleftu mínútu. Staðan í hálfleik var 1-0 fyrir Eskilstuna en þær bættu svo við öðru marki eftir rúmlega klukkutíma leik.
Hlín og stöllur hennar voru með engin svör og lokatölur því 2-0 fyrir Eskilstuna.
Piteå er á botni sænsku úrvalsdeildarinnar án stiga eftir tvo leiki. Hlín hefur byrjað fyrstu tvo leiki tímabilsins. Hún er tvítug að aldri en hún kom til Piteå frá Val fyrir þetta tímabil.
