Heimild: Vængjum þöndum 

Birkir mætti nokkuð sáttur eftir góðan 3-0 sigur á Fylki á Hlíðarenda en með sigrinum komu Valsmenn sér á topp Pepsi Max-deildarinnar.

„Við erum komnir þangað sem við ætlum að vera og ætlum ekkert að láta þetta fyrsta sæti af hendi."

Birkir tekur undir þau orð þáttastjórnenda að það geti verið leiðinlegt að spila á móti Valsmönnum. „Við höfum verið frekar leiðinlegir á vellinum og þannig viljum við hafa það. Við viljum reyna að bully-a hin liðin aðeins."

Valsmenn fengu 7 gul spjöld gegn Blikum í síðustu umferð í mjög erfiðum leik að sögn Birkis.

„Það var bara hart tekist á og þetta var að mínu mati mjög skemmtilegur leikur. Ég elska að spila svona leiki þar sem þetta er bara iðnaður og tæklingar og læti. Mér fannst umræðan leiðinleg eftir þennan leik því ég held það hafi verið mjög gaman að horfa á hann."

Þáttastjórnendur hafa áhyggjur af Patrick Petersen sem lenti illa og fór útaf meiddur í leiknum.

„Það er ekkert að honum. Smá tak í bakið. Hann getur verið svolítið dramatískur hann Patrik," segir Birkir að lokum og hlær. Hér má hlusta á nýjasta þáttinn af Vængjum Þöndum: