Atromitos komst yfir eftir 18 mínútna leik, en Larissa jafnaði í uppbótartíma fyrri hálfleiks. Atromitos fékk vítaspyrnu í uppbótartíma leiksins, en Ögmundur gerði sér lítið fyrir og varði spyrnuna. Frábær byrjun hjá honum á þessari leiktíð.

Þar við sat og 1-1 jafntefli niðurstaðan. Fínasta stig á útivelli hjá Ögmundi og félögum.

Grísku meistararnir í PAOK byrja deildina á 2-1 sigri gegn Panaitolikos þar sem PAOK komst í 2-0 áður en gestirnir minnkuðu muninn í uppbótartíma.

Sverrir Ingi Ingason fær ekki mikið að spila hjá PAOK. Hann var allan tímann á bekknum. Hann kom aðeins við sögu í einum deildarleik á síðasta tímabili eftir að hann var keyptur í janúar.