Vuk hefur skorað níu mörk í deildinni.
Vuk Oskar Dimitrijevic, markahæsti leikmaður Fram á tímabilinu, var ekki í leikmannahópi liðsins gegn KA í gær. Vuk var á bekknum gegn KR í leiknum á undan, var þar sem uppfylling á bekknum.
Fótbolti.net ræddi við Rúnar í dag um stöðuna á sóknarmanninum.
Fótbolti.net ræddi við Rúnar í dag um stöðuna á sóknarmanninum.
„Það er engin staðfest niðurstaða hvað það er sem er að hrjá hann, en hann er með eymsli í nára. Batinn er mjög hægur, hann var ekki klár í KR leikinn og var ekki í hóp núna vegna meiðslanna. Vonandi kemst hann í myndatöku í dag eða á morgun."
„Hann er búinn að vera í meðhöndlun, sjúkraþjálfari og læknir búnir að kíkja á hann. Myndataka er svo næsta skref," segir Rúnar.
Á meðan Vuk er ekki klár, líður þér þá eins og þið séuð svolítið þunnskipaðir fram á við?
„Nei, alls ekki, við erum með mannskap í þetta. Vuk er samt öðruvísi leikmaður en þeir sem geta leyst hann af, við þurfum að leita í aðra þætti, en ég myndi ekki segja að við séum þunnskipaðir," segir Rúnar.
Þeir Róbert Hauksson, Jakob Byström og Magnús Ingi Þórðarson spiluðu í fremstu línu í gær, Magnús kom inn á sem varamaður fyrir Jakob.
Fram tapaði 2-0 gegn KA í gær og er án sigurs síðan 5. júlí. Í kjölfarið gerði liðið þrjú jafntefli í deildinni og er án stiga í síðustu þremur leikjum. Framundan er heimaleikur gegn Val og svo útileikur gegn FH áður en deildinni er skipt í tvennt.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Valur | 19 | 11 | 4 | 4 | 47 - 28 | +19 | 37 |
| 2. Víkingur R. | 19 | 10 | 5 | 4 | 34 - 24 | +10 | 35 |
| 3. Breiðablik | 19 | 9 | 5 | 5 | 34 - 29 | +5 | 32 |
| 4. Stjarnan | 19 | 9 | 4 | 6 | 36 - 31 | +5 | 31 |
| 5. FH | 20 | 7 | 5 | 8 | 37 - 32 | +5 | 26 |
| 6. Vestri | 19 | 8 | 2 | 9 | 20 - 19 | +1 | 26 |
| 7. KA | 20 | 7 | 5 | 8 | 23 - 35 | -12 | 26 |
| 8. Fram | 20 | 7 | 4 | 9 | 28 - 28 | 0 | 25 |
| 9. ÍBV | 20 | 7 | 4 | 9 | 21 - 27 | -6 | 25 |
| 10. KR | 19 | 6 | 5 | 8 | 40 - 41 | -1 | 23 |
| 11. Afturelding | 19 | 5 | 6 | 8 | 24 - 30 | -6 | 21 |
| 12. ÍA | 19 | 5 | 1 | 13 | 20 - 40 | -20 | 16 |
Athugasemdir
