Ítalska knattspyrnusambandið hefur sektað þá Romelu Lukaku og Zlatan Ibrahimovic fyrir óíþróttamannslega hegðun er Inter og Milan áttust við í ítalska bikarnum í janúar.
Þeim lenti saman í leiknum eftir að Alessio Romagnoli braut á Lukaku en eftir heiftarlegt rifrildi þá ákvað dómari leiksins að spjalda báða menn.
Zlatan kom Milan yfir en var síðan rekinn af velli á 58. mínútu. Lukaku jafnaði metin áður en Christian Eriksen tryggði Inter sigurinn.
Leikmennirnir voru sektaðir af félögunum en ítalska knattspyrnusambandið hefur nú ákveðið að sekta leikmennina og félögin.
Zlatan fékk 4 þúsund evra sekt en Lukaku aðeins 3 þúsund evra sekt.
Milan þarg að greiða 2 þúsund evrur en Inter aðeins 1250 evrur.
Athugasemdir