Portúgalski bakvörðurinn Cédric Soares er að skrifa undir skammtímasamning við Sao Paulo í Brasilíu.
Cédric er 33 ára gamall og hefur verið án félags eftir að samningur hans við Arsenal rann út síðasta sumar.
Cédric er fjölhæfur leikmaður sem getur spilað bæði sem hægri eða vinstri bakvörður. Hann lék 138 leiki á dvöl sinni hjá Southampton og spilaði svo 64 leiki fyrir Arsenal, en hefur einnig leikið fyrir Inter og Fulham á láni.
Hann er uppalinn hjá Sporting CP og lék 34 landsleiki fyrir Portúgal, þar sem hann var í liðinu sem vann EM 2016.
Athugasemdir
