Logi þjálfari Víkinga
Víkingar töpuðu í dag sínum öðrum heimaleik í röð þegar þeir fengu Fjölnismenn í heimsókn. Þórir Guðjónsson og Almarr Ormarsson skoruðu mörk gestanna en Alex Freyr Hilmarsson klóraði í bakkann fyrir heimamenn þegar skammt var eftir leiks.
Lestu um leikinn: Víkingur R. 1 - 2 Fjölnir
„Við byrjuðum þennan leik ekki nógu vel, vorum frekar værukærir og seinir í öllum aðgerðum og menn vakna upp við vondan draum í stöðunni 2-0," sagði Logi aðspurður hvað hefði klikkað í leik hans manna í dag.
Sölvi Geir Ottesen miðvörður Víkinga sem hefur byrjað mótið afar vel fór meiddur af velli eftir tæpar 40 mínútur og kom Gunnlaugur Fannar Guðmundsson inná í hans stað. Aðspurður hvort Sölvi hafi verið tæpur fyrir leikinn sagði Logi.
„Sölvi fær einhvern slink á bakið og það hefur ekkert með það að gera hvernig hann kláraði síðasta leik og ég veit ekki hvort ég á að orða það þannig en Sölvi er bara tæpur hvenær sem er."
Víkingum hefur gengið bölvanlega að skora í fyrstu leikjum þessa móts og hafa aðeins sett boltann 5 sinnum í markið í fyrstu 6 umferðum mótisins og þar af þrisvar gegn Stjörnunni í 3.umferð.
Hvernig metur Logi stöðunna á því?
„Við erum ekki nægilega duglegir að skapa okkur færi, við fáum að vísu góð færi og meira að segja eftir að við skorum þetta mark okkar en það er bara þannig að við þurfum að vera duglegri að nýta færin sem við sköpum."
Athugasemdir
