Markinu gegn Leikni fagnað
Fréttaritari Fótbolta.net, Baldvin Már Borgarsson, var hrifinn af innkomu Magnúsar Þórðarsonar inn í lið Fram þegar liðið mætti Leikni á miðvikudag.
Magnús skoraði fyrra mark Fram í venjulegum leiktíma á 12. mínútu og var tekinn af velli í stöðunni 2-0 fyrir Fram. Baldvin ræddi við Jón Sveinsson, þjálfara Fram, eftir leikinn. Fram fór áfram í Mjólkurbikarnum eftir framlengdan leik.
Magnús skoraði fyrra mark Fram í venjulegum leiktíma á 12. mínútu og var tekinn af velli í stöðunni 2-0 fyrir Fram. Baldvin ræddi við Jón Sveinsson, þjálfara Fram, eftir leikinn. Fram fór áfram í Mjólkurbikarnum eftir framlengdan leik.
Lestu um leikinn: Fram 3 - 2 Leiknir R.
„Hann er kannski ekki endilega í stóru hlutverki í dag, hann er frábær í leiknum. Hversu gott er að sjá svona frammistöðu frá svona leikmanni?" spurði Baldvin.
„Jú, alveg sammála. Maggi Ingi er búinn að vera mjög góður í öllum þeim verkefnum sem hann hefur fengið. Hann var mjög góður á undirbúningstímabilinu og er bara virkilega að stíga upp. Það er auðvitað gott," sagði Nonni.
„Við erum bara með breiðan og öflugan hóp. Við þurftum að hvíla menn í dag þannig við erum ekkert á flæðiskeri staddir og þurfum ekkert að kvíða því þótt við þurfum eitthvað að rótera og hreyfa menn til. Það voru fleiri en Maggi sem komu inn og spiluðu mjög vel í dag," sagði Nonni.
Magnús hafði byrjað einn leik í upphafi Íslandsmótsins en annars spilað rúmlega hálftíma í fimm innkomum sem varamaður.
Athugasemdir
