Jón Arnar Barðdal, sóknarmaður HK, er kominn í sóttkví en þetta kom fram í útvarpsþættinum Fótbolti.net á X977 í dag.
Jón Arnar var valinn í lið 2. umferðar Pepsi Max-deildarinnar þegar hann skoraði eitt af mörkum HK í óvæntum 3-0 útisigri gegn Íslandsmeisturum KR.
Mbl.is segir að leikmaður HK sé í sjálfskipaðri sóttkví þar sem hann starfar með leikmanni Stjörnunnar sem greindist með kórónaveiruna.
Jón Arnar æfði ekki með HK í dag en liðið mætir Val í Kórnum annað kvöld.
Næstu þremur deildarleikjum Stjörnunnar hefur verið frestað en liðið er komið í sóttkví.
Jón Arnar var valinn í lið 2. umferðar Pepsi Max-deildarinnar þegar hann skoraði eitt af mörkum HK í óvæntum 3-0 útisigri gegn Íslandsmeisturum KR.
Mbl.is segir að leikmaður HK sé í sjálfskipaðri sóttkví þar sem hann starfar með leikmanni Stjörnunnar sem greindist með kórónaveiruna.
Jón Arnar æfði ekki með HK í dag en liðið mætir Val í Kórnum annað kvöld.
Næstu þremur deildarleikjum Stjörnunnar hefur verið frestað en liðið er komið í sóttkví.
Fleiri leikmenn í Pepsi Max-deild karla eru komnir í sóttkví. Greint hafði verið frá því að leikmaður Breiðabliks væri kominn í sóttkví en í útvarpsþættinum kom fram að þar væri um að ræða varnarmanninn Viktor Örn Margeirsson.
Viktor hefur ekki komið við sögu í þeim tveimur deildarleikjum sem Breiðablik hefur spilað á tímabilinu en hann spilaði gegn Keflavík í bikarnum á fimmtudag.
Breiðablik mætir Fjölni á mánudaginn.
Kórónaveiran hefur mikil áhrif á íslenska fótboltann en rætt var um stöðu mála í útvarpsþættinum í dag. Víðir Reynisson var á línunni.
Athugasemdir