RB Leipzig skreið áfram í aðra umferð þýska bikarsins með 3-2 sigri á B-deildarliðinu Wehen Wiesbaden í kvöld.

Emil Forsberg og Benjamin Sesko komu Leipzig í 2-0 á fyrstu átján mínútum leiksins, en Ivan Prtajin kom Wiesbaden aftur inn í leikinn með marki undir lok hálfleiksins.

Sesko kom Leipzig aftur í tveggja marka forystu þegar tuttugu mínútur voru eftir en aftur skoraði Prtajin til að halda Wiesbaden inn í leiknum.

Leipzig gerði nóg til að komast áfram en frammistaðan langt í frá sannfærandi hjá liði sem hefur unnið keppnina þrjú ár í röð.