Fótbolti.net

Elmar Atli: Of graðir inn í seinni hálfleik

Heimir: Fórum í gildrurnar sem þeir settu fyrir okkur

Kennie: Pirraði mig mjög mikið

Úlfur Ágúst: Veit ekki hvað gerist í hálfleik

Rúnar Kristins: Ekki fallegur fótbolti en ég er með marga klóka menn

Jói Kalli: Gríðarlega svekktur

Aron þreyttur: Kærkomið að komast inn á völlinn aftur

Halli vildi tvö víti: Þeir fá að hanga alltof mikið í Ljúbba

Sölvi: Reynsluleysi hjá mér að gleyma að ég var búinn að skipta markmanninum inn á

Linta: Ef orkan er ekki til staðar skiptir taktík ekki máli

Kristófer Ingi: Hann er örugglega búinn að vera okkar besti maður

Hefur mikla trú á leikstíl ÍBV - „Gekk ekki upp í fyrstu hjá Víkingum"

Viktor Jóns: Ég tók eftir því að varnarlínan var helvíti framarlega

Lárus Orri: Þetta er tvöfalt, stigin og frammistaðan

Jökull: Menn eru bara sofandi

Óli Skúla: Til skammar og hrikalegt fyrir Eyjamenn að þetta sé staðan

Óskar Hrafn: Þú hefur margt fyrir þér í því

Stefán Árni: Unun að fá að deila velli með honum

Hemmi ósáttur: Brandari hvað Finnur og Ástbjörn komast upp með í 90 mínútur

Bryndís Rut hreinskilin eftir stórt tap: „Markmiðið er að halda okkur í deildinni“

sun 27. október 2024 22:14

Stefán Marteinn Ólafsson

Dóri Árna: Ekki verið nálægt því að tapa síðan einhvern tímann í júní

Halldór Árnason þjálfari Breiðabliks með Arnóri Gauta Jónssyni og skildinum eftir leik.

Mynd: Fótbolti.net - Hafliði Breiðfjörð

„Það hljómar frábærlega og er frábært. Bara geggjuð tilfinning." Sagði Halldór Árnason þjálfari nýkringdra Íslandsmeistara Breiðabliks aðspurður um hvernig það hljómi að vera orðinn Íslandsmeistari.

Lestu um leikinn: Víkingur R. 0 - 3 Breiðablik

Breiðablik kom sá og sigruði á Víkingsvelli í kvöld og tryggði sér Íslandsmeistaratitilinn í leik þar sem flestir spekingar töldu að heimamenn væru sigurstranglegri.

„Það er ótrúleg umræða því þeir sem hafa fylgst með fótbolta vita að við erum búnir að vera langbesta liðið í þessari deild síðustu fjóra mánuði. Vorum langbesta liðið á þessum velli í dag og sóttum það sem við ætluðum okkur."

Spennustig Breiðabliks virkaði um betur stillt en hjá Víkingum í kvöld.

„Ég er búin að lýsa því held ég ágætlega alla vikuna að maður upplifði það eftir Stjörnuleikinn þar sem að það áttu sér stað ótrúlegir atburðir þann dag að einhvernveginn eftir þann leik fann maður að það var búið að setja mikla pressu á menn og einhverja hlekki að komast í þennan leik þó svo að það hefði átt að vera öfugt. Það voru við sem vorum alltaf mikið nær því að tryggja okkur þó allavega leik ef ekki titilinn fyrr. Það bara losnuðu hlekkirnir og pressa eftir Stjörnuleikinn."

Margir spekingar afskrifuðu Breiðablik snemma á mótinu og gengu jafnvel það langt að segja að þeir ættu ekki séns þegar Breiðablik féll úr leik í bikarnum.

„Ég pæli ekki í neinu utan að komandi umræðu. Ég held að við höfum spilað leik við Víking í elleftu eða tólftu umferð þar sem þeir jafna á 97.mínútu þá hefðum við komist á toppinn og þá er mótið hálfnað þannig ég veit ekki hvenær við vorum eitthvað langt frá þessu. Við tökum þriggja leikja kafla í byrjun júní þar sem við töpum reyndar bara einum leik en gerum tvö jafntefli og þá þurftum við virkilega að ákveða hvort við ætluðum að vera með í þessu eða ekki."

„Við höfum unnið ég veit ekki hvað marga og ekki verið nálægt því að tapa síðan einhvertíman í júní þannig ég held að það sýni andlegan styrk þessa liðs."