Gianluca Mancini, Paulo Dybala og Stephan El Shaarawy skoruðu mörk Rómverja í sigrinum.

Eftir laglegt þriðja mark El Shaarawy fagnaði Jose Mourinho, þjálfari liðsins, með því að hlaupa að ungum boltasækjara og knúsa hann.

Samningur Mourinho við Roma rennur út eftir þetta tímabil, en hann hefur ekki enn gert upp hug sinn hvort hann verði áfram eða leiti á önnur mið.

Á tíma hans hjá Roma hefur hann unnið Sambandsdeildina og komist í úrslit Evrópudeildarinnar, en hann kann vel við sig í Róm og þykir vænt um sitt fólk eins og sjá má í myndbandinu hér fyrir neðan.