Guðni Bergsson, formaður KSÍ, hefur svarað ummælum sem Guðjón Þórðarson, fyrrverandi landsliðsþjálfari lét falla í kvöld.
„Það sem ég er búinn að heyra í nokkra daga er að það er ágreiningur eða núningur á milli Gylfa og hugsanlegrar stöðu Eiðs Smára. Þetta er það sem maður heyrir. Forystan verður að stíga fram og segja að það sé bara alls ekki," sagði Guðjón í hlaðvarpinu The Mike Show í kvöld.
Þar talaði hann um að það einhver ágreiningur á milli Gylfa Þórs Sigurðssonar, besta leikmann Íslands, og Eiðs Smára Guðjohnsen, aðstoðarþjálfara landsliðsins.
Guðni sagði í skriflegu svari til Vísis að það væri ekkert til í þessum sögum.
Heimildarmenn Vísis fullyrða jafnframt að ekkert sé til í þessu og eina ástæðan fyrir fjarveru Gylfa sé sú að hann og eiginkona hans eigi von á barni á næstunni.
Athugasemdir