Alexander heldur þrennunni - Næstyngstur í sögunni

Alexander Rafn Pálmason skoraði þrennu fyrir KR gegn 4. deildarliði KÁ í Mjólkurbikarnum fyrr í þessum mánuði. Það var vafi á því hvort annað markið hafi verið hans mark þar sem varnarmaður KÁ setti boltann í netið.

Nú hefur hinsvegar verið staðfest að Alexander heldur þrennunni en sérstök markanefnd á vegum KSÍ skoðaði markið gaumgæfilega, meðal annars úr upptöku á Spiideo vél.

Reglan er sú að ef tilraun leikmanns er á leiðinni á rammann áður en varnarmaður sparkar í boltann þá skráist markið ekki sem sjálfsmark.

„Ég var að reyna að senda boltann, en hann var á leiðinni inn. Þannig að þetta var markið mitt," sagði Alexander í viðtali við Fótbolta.net á föstudag.