Afturelding og ÍBV mættust í dag á Fagverksvellinum í dag og endaði leikurinn með 1-2 sigri Eyjamanna
Lestu um leikinn: Afturelding 1 - 2 ÍBV
„Mér er bara létt, þetta var bara gríðarlega erfiður leikur og spiluðum á móti mjög góðu liði Aftureldingar hérna í dag og þeir gáfu lítil færi á sér og voru aggressívir eins og við vissum að þeir myndu vera hérna á sínum eigin heimavelli
Helgi Sigurðsson var ánægður með karakter liðsins í dag.
„Þetta var ekkert ýkja fallegt hjá okkur á köflum en karakterinn var sterkur og 3 stig í húsi og ég er gríðarlega sáttur með það."
Umdeilt atvik var strax á 4.mínútu leiksins er Andri Freyr átti að fá víti eftir að Halldór Páll krækir í hann þegar hann leikur á hann og var Helgi spurður út í atvikið.
„Þeir rekast saman og Andri er á fullri ferð en fyrir mér rekast þeir bara saman og hlupu á hvorn annan og ég veit ekki hvort þetta átti að vera brot á sóknarmanninn eða markmanninn en dómarinn dæmir þetta svona og við verðum bara að treysta honum."
ÍBV fær Víking Ólafsvík í heimsókn í næstu umferð og segir Helgi að liðið verði að gera mikið betur í þeim leik en þeir gerðu í dag.
„Við erum vel gíraðir í það við þurfum að koma okkur niður á jörðina eftir þennan sigur, við þurfum að gera miklu betur í þeim leik en við vorum að gera í dag, þetta var mjög kaflaskipt hjá okkur í dag."
Viðtalið í heild sinni má sjá í sjónvarpinu hér að ofan
Athugasemdir