„Ég er mjög sáttur, geðveikt að koma hérna á Hlíðarenda og fá þrjú stig, mikilvæg þrjú stig í baráttunni sem við erum í þannig ég er bara mjög ánægður með liðið og mjög flottur sigur í dag," sagði Einar Karl Ingvarsson leikmaður Stjörnunnar í viðtali eftir leik.
Lestu um leikinn: Valur 1 - 2 Stjarnan
Einar skoraði geggjað aukaspyrnumark undir lok fyrri hálfleiks, var það alltaf planið að Einar myndi taka þessa spyrnu?
„Já ég sagði Hilmari að hlaupa yfir boltann fyrir mig þannig við vorum búnir að ákveða það, ég hitti boltann bara mjög vel og hann fór í markið og gaman að sjá hann í markinu."
Tímabilið hjá Stjörnunni verið undir væntingum en Stjarnan vinnur samt báða leikina gegn ríkjandi Íslandsmeisturunum.
„Kannski erfitt að svara því hvernig það gerist en já það hefur kannski ekkert gengið nógu vel en það er alltaf gott að vinna Val og þessi þrjú stig eru mjög mikilvæg fyrir okkur en erfitt að svara af hverju við vinnum Val tvisvar en þetta var bara góður leikur hjá okkur í dag."
Stjörnumenn eru búnir að bjarga sér frá falli, er eitthvað markmið út tímabilið?
„Bara hugsa um næsta leik og vinna hann, einbeita okkur að næsta verkefni og bara vinna restina, einbeita okkur að sjálfum okkur og reyna klára tímabilið almennilega."
Viðtalið má sjá í heild sinni hér fyrir ofan.
Athugasemdir
