Það er spilað í ensku úrvalsdeildinni næstu daga. Spámaður vikunnar er Bára Kristbjörg Rúnarsdóttir fótboltaþjálfari hjá Kristianstad í Svíþjóð.
Crystal Palace 1 - 2 Leicester (15:00 í dag)
Þessi leikur verður eftir bókinni. Leicester er í þriðja sætinu í deildinni og Crystal Palace í því fjórtánda. Leicester-menn munu mæta á Selhurst eftir að hafa gert jafntefli við United á heimavelli og sækja þrjú stig.
Chelsea 2 - 1 Aston Villa (17:30 í dag)
Aston Villa hefur verið á skriði og mun láta Chelsea hafa fyrir hlutunum í þessum leik, en Chelsea þarf að svara fyrir óvænta tapið gegn Arsenal um helgina og þeir eru með fleiri gæða leikmenn en Villa sem mun skila þeim sigri.
Everton 1 - 3 Man City (20:00 í kvöld)
City-menn hafa ekki verið með neinar flugeldasýningar undanfarið eins og oft áður, en þeir eru að finna taktinn í sínum leik betur og betur. Á meðan er Everton í öðru sæti deildarinnar og vann síðasta leik með marki frá Gylfa. Dominic Calvert-Lewin náði ekki að finna taktinn á móti botnliðinu, en hann mun stíga aðeins upp og skora á móti City. Pickford verður hins vegar mistækur í þessum leik og Manchester City vinnur þægilegan 1-3 sigur.
Brighton 1 - 2 Arsenal (18:00 á morgun)
Arsenal á að klára þennan leik. Þeir unnu Chelsea um helgina og fengu einn auka dag í hvíld á Brighton-menn. Þeir munu halda dampi, koma kokhraustir í leikinn og ná loksins að tengja saman tvo sigra eftir brösótt gengi.
Burnley 1 - 1 Sheffield United (18:00 á morgun)
Burnley hefur verið að vaxa eftir því sem líður á tímabilið og eru í 17. sæti með 13 stig eftir 14 leiki en Sheffield United er á botninum með tvö stig eftir 15 leiki. Sheffield United verður að fara að safna einhverjum stigum og eru í ágætis færi þarna. Þeir ná að kreista út jafntefli í þessum leik.
Southampton 3 - 1 West Ham (18:00 á morgun)
Southampton hefur sýnt góða takta á tímabilinu á meðan það hefur verið smá vesen á Hömrunum. Southampton er þó í níunda sæti og West Ham í tíunda sæti í deildinni eftir 15 leiki. Þetta hljómar eins og uppskrift að drepleiðinlegum jafnteflisleik en Southampton tekur 'solid' heimasigur á St. Mary's í þetta skiptið.
West Brom 1 - 3 Leeds (18:00 á morgun)
Ég, eins og svo margir aðrir fótboltaáhugamenn, hef haft gaman að því að horfa á Leeds þetta tímabilið. Leedsarar munu bjóða West Brom upp í dans sem heimamenn ráða sennilega illa við. Sóknarmenn Leeds munu láta reyna mikið á varnarlínu West Brom og vinna góðan útisigur.
Man Utd 2 - 1 Wolves (20:00 á morgun)
Eins mikið og ég væri til í að sjá Manchester United klúðra þessum leik þá get ég glatt pabba minn með því að ég held að United klári hann. United kom öllum á óvart og vann ekki á útivelli, heldur gerðu þeir jafntefli um helgina. Þeir verða að vinna þennan leik til að halda í við efstu lið deildarinnar og þeir muna gera það, 2-1.
Tottenham 2 - 0 Fulham (18:00 á miðvikudag)
Tottenham er vel skipulagt lið og hafa þeir verið góðir það sem af er þótt að úrslitin falli ekki alltaf með þeim. Fulham hefur verið svolítið í jafnteflum og eru ekki að skora mikið af mörkum þó þeir gætu alltaf lætt inn einu. Ég held að gæðamunurinn á leikmannahópnum muni skilja á milli þarna og Tottenham vinnur þægilegan 2-0 sigur.
Newcastle 0 - 3 Liverpool (20:00 á miðvikudag)
Mínir menn í Bítlaborginni hafa verið á góðu skriði þessa dagana og eru efstir í deildinni. Það vantar stöðugleika í Newcastle liðið og það er bara happa glappa á hvaða dag þeir lenda en það mun ekki skipta neinu máli í þessum leik og Liverpool mun taka góðan 0-3 sigur.
Fyrri spámenn
Haukur Harðarson - 7 réttir
Bjarni Þór Viðarsson - 6 réttir
Björn Bragi Arnarsson - 6 réttir
Sóli Hólm - 6 réttir
Gummi Ben - 5 réttir
Logi Bergmann Eiðsson - 5 réttir
Sara Björk Gunnarsdóttir - 5 réttir
Sölvi Tryggvason - 5 réttir
Elísa Viðarsdóttir - 4 réttir
Þorlákur Árnason - 4 réttir
Gunnar Birgisson - 4 réttir
Birkir Már Sævarsson - 3 réttir
Herra Hnetusmjör - 3 réttir
Ingibjörg Sigurðardóttir - 3 réttir
Steindi Jr. - 3 réttir
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 34 | 24 | 5 | 5 | 82 | 26 | +56 | 77 |
2 | Liverpool | 33 | 22 | 8 | 3 | 75 | 32 | +43 | 74 |
3 | Man City | 32 | 22 | 7 | 3 | 76 | 32 | +44 | 73 |
4 | Aston Villa | 34 | 20 | 6 | 8 | 71 | 50 | +21 | 66 |
5 | Tottenham | 32 | 18 | 6 | 8 | 65 | 49 | +16 | 60 |
6 | Newcastle | 32 | 15 | 5 | 12 | 69 | 52 | +17 | 50 |
7 | Man Utd | 32 | 15 | 5 | 12 | 47 | 48 | -1 | 50 |
8 | West Ham | 34 | 13 | 9 | 12 | 54 | 63 | -9 | 48 |
9 | Chelsea | 32 | 13 | 8 | 11 | 61 | 57 | +4 | 47 |
10 | Brighton | 32 | 11 | 11 | 10 | 52 | 50 | +2 | 44 |
11 | Wolves | 33 | 12 | 7 | 14 | 46 | 53 | -7 | 43 |
12 | Fulham | 34 | 12 | 6 | 16 | 50 | 54 | -4 | 42 |
13 | Bournemouth | 33 | 11 | 9 | 13 | 48 | 60 | -12 | 42 |
14 | Crystal Palace | 33 | 9 | 9 | 15 | 42 | 56 | -14 | 36 |
15 | Brentford | 34 | 9 | 8 | 17 | 52 | 59 | -7 | 35 |
16 | Everton | 33 | 10 | 8 | 15 | 34 | 48 | -14 | 30 |
17 | Nott. Forest | 34 | 7 | 9 | 18 | 42 | 60 | -18 | 26 |
18 | Luton | 34 | 6 | 7 | 21 | 47 | 75 | -28 | 25 |
19 | Burnley | 34 | 5 | 8 | 21 | 37 | 69 | -32 | 23 |
20 | Sheffield Utd | 33 | 3 | 7 | 23 | 31 | 88 | -57 | 16 |
Athugasemdir