Elvar Geir Magnússon
Fótboltaæfingar flokkast auðvitað ekki sem eitt af stóru málunum í dag.
En ljóst er að íslensk fótboltafélög túlka fyrirmæli ÍSÍ um æfingabann á mjög misjafnan hátt og þörf á að skerpa á þeim.
Eftir að hafa rætt við fjölmarga stjórnendur félaga og þjálfara um helgina þá er greinilegt að fólk er ekki samstíga í því að túlka fyrirmæli um það hvað sé bannað og hvað ekki.
Hvað telst skipulögð æfing? Má hafa æfingar þar sem hópnum er skipt í hluta undir stjórn þjálfara og fjarlægðar milli einstaklinga gætt? Má hafa einstaklingsæfingar undir stjórn þjálfara? Til dæmis markmannsþjálfara? Má láta leikmenn hafa áhöld til æfinga á gervigrasi? Má hafa gervigrasvelli opna til æfinga?
En ljóst er að íslensk fótboltafélög túlka fyrirmæli ÍSÍ um æfingabann á mjög misjafnan hátt og þörf á að skerpa á þeim.
Eftir að hafa rætt við fjölmarga stjórnendur félaga og þjálfara um helgina þá er greinilegt að fólk er ekki samstíga í því að túlka fyrirmæli um það hvað sé bannað og hvað ekki.
Hvað telst skipulögð æfing? Má hafa æfingar þar sem hópnum er skipt í hluta undir stjórn þjálfara og fjarlægðar milli einstaklinga gætt? Má hafa einstaklingsæfingar undir stjórn þjálfara? Til dæmis markmannsþjálfara? Má láta leikmenn hafa áhöld til æfinga á gervigrasi? Má hafa gervigrasvelli opna til æfinga?
Þjálfarar sem ekki hafa skipulagðar æfingar hafa áhyggjur af því samkeppnislið sem túlka fyrirmælin á annan hátt muni græða á því.
Allt fór á flug þegar Víðir Reynisson sagði að ábendingar hefðu borist um skipulagðar æfingar íþróttaliða. Hann baðst svo afsökunar á þeim ummælum.
Það er hinsvegar staðreynd að félög túlka fyrirmælin augljóslega á misjafnan hátt og þarna þarf KSÍ að stíga fram. Hingað til hefur KSÍ bent á ÍSÍ sem hefur gefið almennar leiðbeiningar sem gilda jafnt um margar mjög ólíkar íþróttagreinar.
Félögin eru flest að framkvæma hlutina í góðri trú. En leiðbeiningarnar eru óljósar.
Athugasemdir
