Næst síðustu umferðinni í neðri hlutanum í dönsku deildinni lauk í dag og Íslendingalið voru í eldlínunni.
Lyngby berst fyrir lífi sínu í deildinni og þurfti að vinna AaB til að halda voninni á lofti að halda sæti sínu.
Staðan var 1-1 í hálfleik og sigurmarkið kom strax í upphafi síðari hálfleiks og það var Lyngby sem skoraði það.
Kolbeinn Finnsson og Sævar Atli Magnússon voru í byrjunarliðinu en Alfreð Finnbogason tók út leikbann. Freyr Alexandersson stýrir liðinu.
Lyngby er í fallsæti á markatölu en Aab er fyrir ofan. Lyngby mætir botnliði Horsens í lokaumferðinni. Öll liðin eru með jafn mörg stig.
Elías Rafn Ólafsson var á bekknum hjá Midtjylland en Stefán Teitur Þórðarson var ekki í hópnum hjá Silkeborg vegna meiðsla.
Leiknum lauk með 3-3 jafntefli sem þýðir að tveimur stigum munar á Midtjylland og OB fyrir lokaumferðina. Liðin berjast um 7. sæti sem færir liðinu leik gegn liðinu í 3. sæti um laust sæti í Sambandsdeildinni.
Midtjylland og OB mætast í lokaumferðinni.