Lukaku í læknisskoðun í Mílanó

Belgíski sóknarmaðurinn Romelu Lukaku setti á sig Inter trefil eftir að hann lenti í Mílanó í morgun.

Hann er í læknisskoðun hjá Inter þar sem hann mun spila á lánssamningi á komandi tímabili.

Lukaku, sem er 29 ára, kostaði Chelsea 97,5 milljónir punda fyrir ári síðan þegar hann var keyptur frá Inter en ítalska félagið borgar 6,9 milljóna punda lánskostnað fyrir hann núna.