John Murtough, yfirmaður fótboltamála hjá Manchester United, fundaði með umboðsmanni Benjamin Sesko í síðustu viku.
Þetta kemur fram hjá Manchester Evening News.
Þetta kemur fram hjá Manchester Evening News.
Sesko, sem er 19 ára gamall, þykir gríðarlega efnilegur. Hann skoraði sigurmark Salzburg í æfingaleik gegn Liverpool á dögunum. Á síðustu leiktíð gerði hann 11 mörk í 37 keppnisleikjum fyrir Salzburg.
United er að reyna að bæta við sig einum, helst tveimur, framherjum áður en félagaskiptaglugginn lokar.
Sesko er á óskalistanum og fundaði Murtough með Elvis Basanovic, umboðsmanni framherjans unga, síðasta miðvikudag til að kanna áhugann á skiptum.
Það verður hægara sagt en gert fyrir United að krækja í hann því Sesko er samningsbundinn Salzburg til 2026 og austurríska félagið vill ekki selja hann í sumar. Sögur eru um að Salzburg ætli sér ekki að selja hann fyrir minna en 55 milljónir punda.
Athugasemdir