Það er ekki hægt að segja að Lionel Messi hafi verið stórkostlegur fyrir Paris Saint-Germain frá því hann kom til félagsins frá Barcelona. Allavega ekki miðað við þær kröfur sem eru gerðar á einn besta fótboltamann allra tíma.
Messi var hins vegar mjög góður í gær þegar PSG kom til baka eftir að hafa lent 1-0 undir gegn Saint-Etienne. Parísarliðið vann að lokum 1-3 sigur.
Messi gerði sér lítið fyrir og lagði upp öll mörk PSG í leiknum.
Þetta er í þriðja sinn á glæstum ferli, þar sem Messi leggur upp þrjú mörk í deildarleik.
Það gerðist fyrst gegn Getafe árið 2016 og í annað sinn gegn Real Betis í febrúar 2020.
Ballon d'Or verðlaunin verða afhent í þessari viku og er líklegt að Messi taki þau eftir gott ár þar sem hann leiddi argentínska landsliðið til sigurs í Copa America.
3 - Lionel Messi has delivered 3 assists in a league game for only the 3rd time in his career, after 12 March 2016 (v Getafe) and 9 February 2020 (v Betis) with Barcelona. Gifts. #ASSEPSG pic.twitter.com/EkKuuL1hBf
— OptaJean (@OptaJean) November 28, 2021
Athugasemdir