Celta Vigo, Girona, Leganes og Sevilla komust öll áfram í aðra umferð spænska konungsbikarsins í kvöld.
Kelechi Iheanacho skoraði tvö mörk er Sevilla vann Las Rozas, 3-0, á útivelli á meðan Leganes vann nauman 2-1 sigur á Ciudad de Lucena.
Girona var ekki í vandræðum með CD Extremadura á útivelli en lokatölur þar urðu 4-0.
Bojan Miovski kom boltanum tvisvar í netið en þeir Bryan Gil og Arnau Martinez komust einnig á blað.
Celta Vigo átti svipað auðvelt með UD San Pedro en þeim leik lauk með 5-1 stórsigri Celta.
Anastasios Douvikas skoraði tvö og þá voru þeir Alfonso Gonzalez, Pablo Duran og Tadeo Allende einnig á skotskónum.
Nokkrum leikjum var frestað í kvöld vegna hamfararigningar og flóðs við bæinn Chiva, sem liggur við Valencia og alls ekki útilokað að fleiri leikjum í umferðinni verði frestað, en það mun skýrast betur á morgun.
Athugasemdir
