Enski miðjumaðurinn Alexander Oxlade-Chamberlain mun yfirgefa Liverpool í sumar. Fréttastofa Sky Sports greinir frá þessu í dag.
Liverpool keypti Oxlade-Chamberlain frá Arsenal fyrir fimm árum fyrir 40 milljónir punda.
Hann hefur aldrei náð að festa sig í sessi í byrjunarliði liðsins og hafa auðvitað meiðsli haft einhver áhrif en síðustu tvö tímabil hefur hann verið í algeru aukahlutverki.
Englendingurinn spilaði 29 leiki á síðasta tímabili en það var oftast af bekknum.
Hann er samningsbundinn Liverpool til 2023 en samkvæmt Sky þá mun hann yfirgefa félagið í sumar ásamt þeim Divock Origi og Sadio Mané.
Á þessum fimm árum hefur hann spilað 133 leiki og skorað 17 mörk og unnið allt sem hægt er að vinna hjá félagsliði.
Athugasemdir