Byrjunarlið Íslands í kvöld.
,,Þetta er leiðinlegt og ekki nógu gott. Það er eins og við séum á hælunum frá fyrstu sekúndu," sagði Birkir Bjarnason miðjumaður U21 árs landsliðs Íslands eftir 0-2 tap gegn Sviss í dag.
Birkir var á varamannabekknum en kom inná í síðari hálfleiknum í stöðunni 0-2 en Sviss skoraði fyrra markið eftir mínútu leik.
,,það er leiðinlegt að við fáum fljótt mark á okkur og það verður bara erfiðara. við verðum bara að rífa okkur upp og reyna að klára síðasta leik."
Síðasti leikurinn í riðlinum er gegn Dönum á laugardaginn.
,,Það verður að vinna hann og byrja að spila fótbolta eins og við gerðum á móti Þjóðverjum og Englendingum. Við verðum að byrja að spila fótbolta aftur."
,,Sviss er gott lið en við erum langt frá okkar besta, það er eins og við séum ekki til í slaginn og þá fer þetta svona."
