Tryggvi Hafsteinsson er annar þjálfara Grundafjarðar.
Tryggvi Hafsteinsson annar af þjálfurum Grundafjarðar var afar vonsvikinn eftir tap Grundafjarðar gegn liði Álftaness í þriðju deild karla í dag. Hann hafði þetta um leikinn að segja
„Það er leiðinlegt að tapa og sérstaklega á heimavelli, í byrjun lágum við mikið til baka sem við eigum ekkert að vera gera en um leið og við færum okkur ofar sérstaklega í seinni hálfleik þá eigum við fullt erindi í þá."
Grundfirðingar hafa komið á óvart í þriðju deildinni í ár og eru með 13 stig eftir 6 leiki en fengu aðeins 5 stig allt seinasta ár. Árangur þeirra í ár virðist þó ekki koma honum á óvart.
„Óvænt og ekki óvænt, við fengum sex stráka frá Víkingi Ólafsvík og erum í samstarfi við þá, við eru með allt annað lið en í fyrra, og flestir í formi nema kannski ég. Deildin er mjög góð og það eru 4-5 lið sem eru mjög góð og Álftanes er klárlega sterkasta liðið finnst mér og í toppformi."
Tryggvi var samt jákvæður uppá framhaldið að gera og liðið virðist ætla að stefna á sæti í úrslitakeppnina.
„Já klárlega úr því sem komið er við erum komnir með þrettán stig og vonandi getum við náð í 2-3 sterka stráka þegar glugginn opnar sagði Tryggvi að lokum
