Fótbolti.net

Hörður Snævar: Setjum gjöf á diskinn þeirra

Alli Jói sáttur og glaður - „Mikilvægt að fá leiki á þessum tímapunkti"

Valgeir: Sýndum fram á hvað við erum að fara bjóða upp á í deildinni

Haddi: Staðan í hálfleik var ekki sanngjörn

Dóri Árna: Einni eldingu frá því að vera flautaðir inn

Sölvi Geir: Akkúrat leikurinn sem þú vilt fá rétt fyrir mót

Óskar Hrafn um meiðsli Stefáns Árna: Eitthvað sem viðkemur leiknum sjálfum verður hjákátlegt

Jóhann Kristinn: Væri mjög barnalegt að skella skuldinni á það

Agla María spennt fyrir tímabilinu: Höfum sjaldan verið með jafn öflugan hóp

Siggi Höskulds: Hrikalega stoltur af liðinu að klára þetta

Meiðslavandræðin elta KA - „Var ekki parsáttur við Þórsarana"

Arnar Gunnlaugs: Ég er ekki að biðja ykkur um að vera þolinmóðir

Stefán Teitur: Nenni ekki að standa hérna og tala um það

Orri Steinn: Höldum því bara á milli okkar leikmanna og teymisins

Aron Einar: Skil strákana eftir tíu og þarf að bera ábyrgð á því

Arnór Ingvi hreinskilinn: Grautfúlt og hundlélegt

Sögur um margar breytingar á byrjunarliðinu - Hákon meiddur?

Orri Hrafn: Klárir í þá baráttu sem framundan er

Var í viðræðum við óvænt félag er Keflavík hafði samband - „Á alltaf að treysta innri tilfinningu"

Túfa: Þetta er ekki að gerast í fyrsta skipti

mán 27. júní 2016 14:44

Magnús Már Einarsson
Nice

Guðni Th.: Hefði farið í treyju af sex ára

Guðni Th. Jóhannesson glaðbeittur í Nice í dag.

Mynd: Fótbolti.net - Hafliði Breiðfjörð

Guðni Th. Jóhannesson, nýkjörinn foreti Íslands, er mættur til Nice til að fylgjast með leik Íslands og Englands í 16-liða úrslitunum á EM í kvöld.

„Mín er ánægjan og heiðurinn að vera hérna. Ég er mikill íþróttaáhugamaður," sagði Guðni við Fótbolta.net í dag en hann er brattur fyrir leikinn.

„Ef við höldum jöfnu fram yfir hálfleik þá fara þeir á taugum. Við finnum sjálfstraustið sem býr í okkur. Þeir vita að ef þeir tapa þá er ferill þeirra nánast úti. Það skiptir engu máli fyrir okkur, það er engin pressa á okkur," sagði Guðni sem spáir sigri.

„Ég spái 1-0 fyrir okkur. Eiður Smári kemur inn á og setur hann eftir hornspyrnu frá Gylfa. Þá verður allt vitlaust."

Fór ekki úr líkamanum eins og Gummi Ben
Meðfram kosningabaráttu sinni hefur Guðni náð að fylgjast með landsliði Íslands á EM. Hann fagnaði sigurmarkinu gegn Austurríki eins og öll þjóðin.

„Ég segi ekki að ég hafi farið út úr líkamanum eins og Gummi Ben en það var nánast þannig. Ég horfði á leikinn á góðum stað með gömlum bekkjarfélögum. Það var ógleymanlegt að finna hvernig við stöndum öll saman á stundum eins og þessum. Fyrir utan völlinn greinir okkur stundum á en þetta er vettvangurinn til að finna að við erum í sama liði. Við erum öll Íslendingar."

Gleymdi treyjunni sinni heima
Guðni er mættur í íslensku landsliðstreyjunni og hann ætlar að sjálfsögðu vera í henni í stúkunni í kvöld. Hann gleymd treyjunni heima hjá sér en tókst að útvega annarri í tæka tíð.

„Við pökkuðum í gærkvöldi og gripum treyjurnar með. Ég á fjögur börn og tvö þeirra eiga landsliðstreyju. Við pökkuðum treyju eldri stráksins og ég hélt að ég hefði tekið mína með. Þegar ég vaknað í morgun þá var ég með treyju sex ára stráksins. Þessari treyju var síðan reddað á síðustu stundu."

Guðni hefði troðið sér í treyjuna af syninum ef ekki hefði tekist að fá nýja treyju. „Ég hefði gert það fyrir liðið, fyrir land og þjóð," sagði Guðni léttur.