Kristall Máni Ingason skoraði gríðarlega mikilvægt mark en fékk síðan rautt spjald þegar Sonderjyske vann Álaborg í toppbaráttuslag í næst efstu deild í Danmörku.
Sonderjyske er með níu stiga forystu á Álaborg þegar þrjár umferðir eru eftir af tímabilinu eftir 1-0 sigur í dag þar sem Kristall skoraði eina markið úr vítaspyrnu undir lok leiksins.
Hann fékk síðan sitt annað gula spjald í uppbótatíma.
Davíð Snær Jóhannsson lék allan leikinn þegar Álasund tapaði 2-0 gegn Valerenga í efstu deild í Noregi. Álasund er með 5 stig í næst neðsta sæti eftir sjö umferðir.
Birnir Snær Ingason og Gísli Eyjólfsson komu inn á sem varamenn í síðari hálfleik þegar Halmstad tapaði 3-1 gegn Mjallby í efstu deild í Svíþjóð. Halmstad er með 12 stig eftir átta umferðir.
Sveinn Aron Guðjohnsen kom ekkert við sögu þegar Hansa Rostock tapaði 2-1 gegn Schalke í næst efstu deild í Þýskalandi. Hansa Rostock er í fallsæti fyrir lokaumferðina og getur endanlega fallið ef Wehen vinnur Þóri Jóhann Helgason og félaga í Braunschweig á morgun.