Fjögur af fimm efstu liðunum í Inkasso-deildinni unnu sína leiki í 16. umferðinni. Topplið ÍA lagði Fram 2-0 þar sem Stefán Teitur Þórðarson skoraði bæði mörkin og Hallur Flosason átti góðan leik í bakverðinum. Hallur er nýkominn á fulla ferð eftir langa fjarveru vegna meiðsla.
HK, sem er í 2. sæti, vann 2-0 útisigur á Leikni R. Arnar Freyr Ólafsson hélt hreinu gegn gömlu félögunum úr Breiðholtinu og Bjarni Gunnarsson var gríðarlega ógnandi allan leikinn.
Það var áfram spænsk sveifla í þorpinu þar sem Alvaro Montejo Calleja og Nacho Gil skoruðu báðir tvívegis í 5-3 sigri Þórs á ÍR.
Andri Fannar Freysson fyrirliði Njarðvíkur var maður leiksins í mjög mikilvægum sigri á Haukum. Arnar Helgi Magnússon átti einnig góðan dag í bakverðinum þar.
Guðmundur Axel Hilmarsson, ungur varnarmaður Selfyssinga, hjálpaði liðinu að landa stigi á útivelli gegn Víkingi Ólafsvík.
Viktor Jónsson skoraði þriðju þrennu sína í sumar í 5-3 sigri Þróttar á Magna en Daði Bergsson skoraði einnig þar og sýndi góða takta á kantinum.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir