Birkir Már sækir boltann í netið eftir fyrsta markið.
Íslands- og bikarmeistarar Víkings eru meistarar meistaranna eftir sigur á Val í vítaspyrnukeppni. Þessi árlegi leikur markar upphaf fótboltatímabilsins og var áhorfendum í Fossvoginum í kvöld boðið upp á mikla skemmtun og fínan fótbolta.
Staðan var 1-1 eftir venjulegan leiktíma en Birkir Már Sævarsson skoraði mark Vals. Eftir leikinn spurði Sölvi Haraldsson fréttamaður Fótbolta.net að því hvernig Birki fannst leikurinn?
Staðan var 1-1 eftir venjulegan leiktíma en Birkir Már Sævarsson skoraði mark Vals. Eftir leikinn spurði Sölvi Haraldsson fréttamaður Fótbolta.net að því hvernig Birki fannst leikurinn?
Lestu um leikinn: Víkingur R. 5 - 3 Valur
„Mér fannst fyrri hálfleikurinn nokkuð jafn en í seinni hálfleik voru þeir aðeins betri, allavega fram að rauða spjaldinu. Við hefðum átt að skapa okkur meira eftir rauða spjaldið," segir Birkir en Víkingur missti Halldór Smára af velli með rautt spjald.
„Við spiluðum ágætlega í leiknum í dag, á móti mjög góðu liði, en hefðum viljað skapa fleiri færi."
Mark Birkis var glæsilegt, boltinn skoppaði vel fyrir hann. „Hann lá svo vel fyrir að mér fannst ég þurfa að testa það," segir Birkir.
Hann segir að Gylfi Þór Sigurðsson komi vel inn í leikmannahópinn.
„Bara ótrúlega gott fyrir okkur sem lið að fá Gylfa inn. Mjög ánægjulegt að hann hafi ákveðið að koma í Val."
Birkir segir að fjögur til fimm lið ætli sér að gera tilkall til að vinna Íslandsmeistaratitilinn.
Sjáðu viðtalið í heild í sjónvarpinu hér að ofan.
Athugasemdir
