Agla María er búin að eiga flott tímabil með Stjörnunni það sem af er.
“Við byrjuðum leikinn frekar illa, fengum á okkur strax þarna mark. En þegar það voru svona 20 mínútur búnar þá bara spíttum við í og kláruðum þetta,” sagði Agla María eftir stórsigur Stjörnunnar á KR í Vesturbænum í dag.
Lestu um leikinn: KR 1 - 5 Stjarnan
KR byrjaði leikinn vel og voru að fá færi í byrjun leiks. Kom KR ykkur á óvart?
“Já, ég held það. Við vorum ekki alveg klárar í að fá svona mikla mótspyrnu bara alveg strax held ég. Við duttum aðeins niður en síðan rifum við okkur í gang, sem betur fer.”
Agla María er nú á leið til Hollands með landsliði Íslands sem hefur leik á EM þann 18. júlí. Hún er yngsti leikmaðurinn sem fer utan með liðinu en hvernig er tilfinningin fyrir EM?
"Tilfinningin er góð og ég held að þetta verði bara mjög skemmtilegt," sagði Agla María kát.
Viðtalið í heild sinni má sjá í sjónvarpinu hér fyrir ofan.
Athugasemdir
