Þorsteinn Halldórsson var ómyrkur í máli um hvert atkvæði sitt í næstu alþingiskosningum færi ekki.
„Þetta er það sem við stefndum að, við ætluðum að vinna og það tókst þó við höfum kannski byrjað leikinn erfiðlega. Við unnum okkur inn í hann og náðum að skapa og vorum alveg líkleg á köflum.“
Hafði Þorsteinn Halldórsson þjálfari Íslands að segja um sín viðbrögð eftir 2-1 sigur Íslands á Wales í úrslitaleik um sæti í umspili um áframhaldandi veru í A-deild þjóðardeildar UEFA í kvöld.
Hafði Þorsteinn Halldórsson þjálfari Íslands að segja um sín viðbrögð eftir 2-1 sigur Íslands á Wales í úrslitaleik um sæti í umspili um áframhaldandi veru í A-deild þjóðardeildar UEFA í kvöld.
Lestu um leikinn: Wales 1 - 2 Ísland
Lið Íslands byrjaði leikinn á afturfótunum þetta kvöldið og mátti standa af sér hverja sóknarlotu Wales á fætur annari. Liðið stóðst þá raun en hvað bjó að baki?
„Það eru óútskýrðir hlutir í íþróttum varðandi hugarfar og hvernig leikmönnum líður og hvernig trúin og traust er á milli leikmanna. Þegar svona óöryggi er meðal leikmanna þá ganga hlutirnir ekki en við náðum að vinna okkur svona hægt og rólega inn í þetta.
Leikur liðsins var þó öllu betri er út í síðari hálfleik var komið og eins og ögn meiri ró væri komin í leik liðsins. Breytti Þorsteinn einhverju i hálfleik?
„Nei í sjálfu sér ekki. Við fórum yfir ákveðna hluti en ekkert taktískt eða neitt svoleiðis. Við töluðum bara um hugarfarið, andlega hlutann í fótbolta og að spila þetta með kollinum. Ef hausinn á þér er ekki í lagi þá er erfitt að láta lappirnar virka.“
Þessi sigur tryggir sem fyrr segir liði Íslands sæti í umspili um áframhaldandi veru í A-deild þótt liðið eigi enn eftir að mæta Danmörku í Viborg næstkomandi þriðjudag. Umspil þetta fer fram í febrúar og erfitt er að sjá að nokkur möguleiki sé á að liðið geti leikið heimaleik þar. Nokkuð sem Steini hafði ákveðnar skoðanir á.
„Við vijum náttúrulega spila heima á Laugardalsvelli. Mér finnst bara sorglegt hvernig komið er fyrir fótboltanum á Íslandi að við séum ekki komin lengra en þetta. Íþróttamálaráðherra hefur voðalega lítið gert fyrir fótboltann hingað til og hann talar reyndar bara um þjóðarhöll. Hann hefur held ég aldrei mætt á landsleik þannig að ég held að hann geti alveg farið að skoða sinn gang. Allavega ætla ég ekki að kjósa hann.“
