Heimild: Fotbollskanalen.se
Það er alveg ljóst í augum Age Hareide að þjálfaraferlinum sé lokið en hann hætti með íslenska landsliðið á dögunum.
Hann tilkynnti fljótlega eftir það að þjálfaraferlinum hans væri lokið en þessi 71 árs gamli Norðmaður hefur verið að berjast við slæmt hné.
Hareide var í hlaðvarpsþætti á vegum norska ríkissjónvarpsins þar sem spyrillinn spurði hann af því hvort hann myndi vilja taka við norska landsliðinu ef það yrði í boði.
„Ég myndi segja nei," sagði Hareide einfaldlega.
Það fór ekki vel í Emil Guild, stjórnanda þáttarins.
„Ertu að grínast í mér? Er þér alvara?" Svaraði Guild.
Hareide endurtók það að hann myndi ekki taka við landsliðinu ef það stæði til boða en Hareide stýrði norska landsliðinu frá 2003-2008.
Athugasemdir
