| sun 02. febrúar 2020 13:37 |
|
Ítalía: Ronaldo og De Ligt sáu um Fiorentina
Ronaldo skoraði tvö mörk í 3-0 sigri Juventus.
1-0 Cristiano Ronaldo ('40 , víti)
2-0 Cristiano Ronaldo ('80 , víti)
3-0 Matthijs de Ligt ('90 )
Fyrsta leik dagsins í ítölsku úrvalsdeildinni er nú lokið, þar tóku Ítalíumeistarar Juventus á móti Fiorentina.
Heimamenn fóru með 1-0 forystu inn í hálfleikinn en það var Cristiano Ronaldo sem skoraði markið úr vítaspyrnu skömmu fyrir lok fyrri hálfleiks.
Annað mark leiksins skoraði Ronaldo einnig og aftur skoraði hann úr vítaspyrnu, staðan orðin 2-0 þegar tíu mínútur voru eftir af venjulegum leiktíma.
Hollenski varnarmaðurinn Matthijs de Ligt skoraði þriðja mark heimamanna á 90. mínútu og gulltryggði þar með sigur Juventus sem situr á toppi ítölsku úrvalsdeildarinnar með sex stiga forystu á Inter sem mætir Udinese í kvöld.
Fiorentina er í 14. sæti með 25 stig.
Athugasemdir
Nýjustu fréttirnar
17:00
