Frá Stockhorn Arena.
Það er að myndast mikil og skemmtileg stemning á Stockhorn Arena í Thun þar sem Ísland hefur leik á EM í Sviss gegn Finnlandi. Um afar mikilvægan leik að ræða.
Það er búið að spila íslenska tónlist í hátalarakerfinu fyrir leik og var Ég er kominn heim auðvitað spilað við góðar undirtektir.
Það er búið að spila íslenska tónlist í hátalarakerfinu fyrir leik og var Ég er kominn heim auðvitað spilað við góðar undirtektir.
Lagið sem var spilað á undan því vakti hins vegar athygli fréttamanns en þá fengu áhorfendur á vellinum að heyra Eitt fyrir klúbbinn sem er stuðningsmannalag Breiðabliks. Herra Hnetusmjör flytur lagið.
Það er mikil Breiðablikstenging í landsliðinu en sex af ellefu leikmönnum í byrjunarliðinu hafa spilað fyrir Breiðablik. Landsliðsþjálfarinn, Þorsteinn Halldórsson, er jafnframt fyrrum þjálfari Blika.
Það er spurning hver valdi að þetta lag yrði spilað fyrir leik. Þó er þetta vissulega mikið stemningslag.
Athugasemdir
