Jakob Snær.
Jakob Snær Árnason, leikmaður KA, sleit hásin á æfingu liðsins í gær. Þetta staðfestir Hallgrímur Jónasson, þjálfari KA, við Fótbolta.net.
Það er því ljóst að Jakob spilar ekki með KA á þessu tímabili og framundan er löng og ströng endurhæfing.
KA æfði í Danmörku í gær en framundan er leikur gegn Silkeborg í 2. umferð forkeppninnar í Sambandsdeildinni.
Það er því ljóst að Jakob spilar ekki með KA á þessu tímabili og framundan er löng og ströng endurhæfing.
KA æfði í Danmörku í gær en framundan er leikur gegn Silkeborg í 2. umferð forkeppninnar í Sambandsdeildinni.
Jakob Snær er 28 ára Siglfirðingur sem hefur verið hjá KA í fjögur ár, skipti yfir frá grönnunum í Þór sumarið 2021. Hann er fjölhæfur leikmaður, getur leyst allar stöður úti í víddinni, bæði sóknar- og varnarlega.
Fyrir utan Jakob eru allir leikmenn KA tilbúnir í leikinn gegn Silkeborg sem hefst klukkan 17:00 að íslenskum tíma og verður í beinni útsendingu á Livey.
Jakbo Snær er annar leikmaður KA sem slítur hásin á æfingu á þessu ári. Jonathan Rasheed, markmaðurinn sem kom til félagsins í vetur, sleit hásin á æfingu þegar hann var nýkominn til landsins.
Jakob hefur komið við sögu í 15 af 16 leikjum KA á tímabilinu. Hann missti af byrjun Íslandsmótsins í fyrra en kom virkilega öflugur inn í lið KA sem sneri gengi sínu við í kjölfar innkomu Jakobs.
Athugasemdir
