Matheus Nunes (til hægri).
Matheus Nunes leikmaður Manchester City var handtekinn af spænsku lögreglunni í síðasta mánuði eftir að hann var grunaður um að stela síma á næturklúbbi.
Atvikið átti sér stað í síðasta landsleikjaglugga en Nunes var ekki valinn í portúgalska landsliðið og fór með vinum sínum til Madrídar.
Atvikið átti sér stað í síðasta landsleikjaglugga en Nunes var ekki valinn í portúgalska landsliðið og fór með vinum sínum til Madrídar.
El Mundo segir að Nunes hafi verið handtekinn klukkan 5:30 að morgni 8. september og síminn fundist í fórum hans. Við yfirheyrslur sagði Nunes að maður hefði reynt að taka myndir af sér án leyfis á salerni skemmtistaðarins La Riviera í Madrid.
Samkvæmt spænskum fjölmiðlum snöggreiddist Nunes og hrifsaði símann af manninum, sem er 58 ára, og neitaði að skila honum. Nunes var síðar handjárnaður og færður á lögreglustöð í Madríd.
Hann dvaldi í fangaklefa í einhverja stund áður en lögmaður hans fékk hann lausan. Nunes á yfir höfði sér ákæru og þarf að koma fyrir rétt í Madrídarborg.
Nunes hefur fengið stærra hlutverk í liði Manchester City eftir meiðsli Rodri og byrjaði Meistaradeildarleikinn gegn Slovan Bratislava í gær.
Athugasemdir
