Ólafur Karl Finsen hefur lagt skóna á hilluna en hann tilkynnti þetta á samfélagsmiðlum í dag.
„Ég lagði skóna á “hilluna” með kampavíni og kavíar í kryddsíldinni minni. Margir skilja ekki og krefjast svara. Ástæðan mín er einföld.
Mér finnst mínum tilgangi sem spilandi leikmanni á hæsta stigi á Íslandi náð," segir Ólafur Karl.
„Mér finnst ég geta gefið betur af mér í öðruvísi hlutverkum og á fleiri stöðum og þjónað mínum tilgangi þannig betur."
Ólafur Karl, sem er 31 árs gamall, spilaði með Fylki í Bestu deildinni í sumar þar sem hann skoraði fimm mörk í 20 deildarleikjum.
Hann spilaði lengst af með Stjörnunni á sínum ferli en hann lék einnig fyrir Val og FH.
Hans besta tímabil á ferlinum var 2014 þegar hann skoraði ellefu mörk í 21 deildarleik, og hjálpaði Stjörnunni að verða Íslandsmeistari á eftirminnilegan hátt. Hann skoraði úr vítaspyrnu gegn FH í lokaleiknum og tryggði þannig Stjörnunni titilinn.
Athugasemdir