„Við fengum klárlega okkar tækifæri í leiknum og það var margt mjög gott í leiknum. Það er ekki alltaf allt slæmt þegar maður tapar, en við þurfum að fara betur yfir hvernig við fengum þessi mörk á okkur. Mér fannst við gefa þeim ótrúlega auðveld mörk í dag,'' sagði Sigurður Ragnar Eyjólfsson, þjálfari Keflavíkur eftir 2-1 tap gegn KA í Pepsi Max-deild karla í kvöld.


Lestu um leikinn: KA 2 -  1 Keflavík

Joey Gibbs hefur borið hitann og þungann hvað sóknarleik Keflavíkur varðar, á því varð engin breyting í dag þar sem að hann skoraði úr vítaspyrnu sem að hann fiskaði sjálfur, en Sigurður Ragnar kallar eftir framlagi frá fleirum í liðinu.

„Joey Gibbs hefur staðið sig frábærlega, er kominn með einhver 9 mörk en ég kalla eftir því að fleiri skori mörk fyrir okkur og líka þeir sem fá að koma inná í leikjunum okkar. Það hefur vantað í sumar að þessi senter nr. 2 sé líka að skora mörk.''

Mikill stígandi hefur verið í leik Keflavíkur eftir afleita byrjun þar sem að uppskeran var 3 stig eftir 6 umferðir. Sigurður er ánægður með framfarir liðsins.

„Staðan í dag er allt önnur og síðustu 7-8 leikir hafa bara verið mjög fínir. Við höfum verið inní þessum leikjum á móti mjög sterkum liðum,'' sagði Sigurður.

Viðtalið má sjá í heild sinni í spilaranum hér að ofan.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit