Það hefur vakið nokkra athygli að Rio Ferdinand, einn besti varnarmaður í sögu ensku úrvalsdeildarinnar, hafi kommentað við færslu Bestu deildarinnar á Instagram í gær.
Ferdinand, sem lék lengi með Manchester United, var greinilega ánægður með færsluna sem hann sá en í henni er sýnt myndband af marki Toby King, leikmanns Vestra, gegn Stjörnunni.
Fólk veltir því eflaust fyrir sér af hverju Ferdinand var að kommenta á þessu færslu en Fótbolti.net hafði samband við King í dag og spurði hann út í það.
„Við erum fjölskylduvinir og hann hefur alltaf stutt mig í minni vegferð í fótboltanum," segir King við Fótbolta.net.
Er möguleiki að Ferdinand komi til Íslands á leik í Bestu deildinni?
„Hver veit hvað gerist í framtíðinni," sagði King þá en það væri gaman ef það myndi gerast.
King er 22 ára gamall enskur miðjumaður sem er í annað sinn að spila með Vestra. Hann lék einnig með liðinu sumarið 2022. Hann er uppalinn hjá West Ham og West Brom.
Sæhæhæll Ferdinand að fylgjast með Bestu deildinni???? pic.twitter.com/TwSjtIa3y7
— Íslenskur Fótbolti (@islenskurf) June 3, 2024
Athugasemdir