Það fór fram æfingaleikur á Akranesi í dag en þar áttust við Skagamenn og Valsmenn.

Leikurinn var hinn fjörugasti og komst ÍA í tveggja marka forystu með mörkum frá Gísla Laxdal og Viktori Jónssyni. Valsmenn svöruðu hins vegar með tveimur mörkum frá Patrick Pedersen og Tryggva Hrafni Haraldssyni.

Haukur Páll, fyrirliði Vals, fékk rautt spjald í stöðunni 2-1 fyrir ÍA en hann var of seinn og fór í ökklann á Guðmundi Tyrfingssyni.
ÍA komst yfir með marki frá Eyþóri Wöhler og það var síðan Brynjar Snær Pálsson sem tryggði ÍA flottan sigur.

Bræðurnir Haukur Andri Haraldsson og Tryggvi Hrafn mættust í leiknum í dag.

Byrjunarlið Skagamanna í dag var: Árni Marínó, Árni Salvar, Hlynur, Benjamín, Finnbogi, Jóhannes Breki, Brynjar, Hallur, Viktor, Steinar og Gísli.