Árni Marinó
Árni Snær
„Við bara sínum að við erum aðeins betri en það," sagði fyrirliði ÍA, Árni Snær Ólafsson, við Fótbolta.net í gær þegar honum var tilkynnt að liðinu væri spáð tíunda sætinu í Bestu deildinni í sumar.
Sjá einnig:
Spá Fótbolta.net - 10. sæti: ÍA
Sjá einnig:
Spá Fótbolta.net - 10. sæti: ÍA
„Við stefnum allataf hærra en ég skil þessa spá. Við erum búnir að ræða um markmið og teljum okkur betri en tíunda sætið."
Árni var frá stærstan hluta síðasta tímabils en sneri til baka í upphafi árs.
„Ég hef ekki fundið fyrir meiðslunum síðan og vonum að það haldist þannig áfram."
„Það var erfitt fram að endasprettinum að fylgjast með, maður var neikvæður á þetta en trúði samt að við myndum halda okkur uppi. Svo voru þrír leikir eftir og þá var þetta orðið helvíti svart. Svo tók maður bara þátt í stemninguna þrjá leikina. Fyrst það rættist svona úr þessu þá var þetta bara gaman," sagði Árni.
Nafni hans Árni Marinó Einarsson varði mark ÍA seinni hluta síðasta tímabils. Hvernig horfir samkeppnin við þér?
„Við erum tveir solid markmenn að berjast um eina stöðu. Ég held við séum báðir undirbúnir fyrir samkeppni, sama hvernig hún fer. Ég var ánægður með hann í fyrra, hann var helvíti flottur, mjög solid og betri en að ég held allir þorðu að vona. Bæði allir upp á Skaga og bara allir á landinu. Hann var bara geggjaður."
„Ég vona að ég byrji fyrsta leik og undirbý mig þannig."
Viðtalið í heild má sjá í spilaranum að ofan.
