Frá Meistaravöllum.
Úr leik á gervigrasinu á KR-velli.
Æfingar geta hafist aftur á KR-svæðinu síðar í vikunni þar sem búið er að leggja nýtt gervigras á æfingasvæði félagsins.
„Gríðarlegt umbótamál fyrir KR, enda ljóst misserum saman að gamla gervigrasið var langt í frá fullnægjandi og í raun ónýtt. Mikilvægum áfanga í framkvæmdamálum knattspyrnufélagsins náð," segir í tilkynningu KR.
„Gríðarlegt umbótamál fyrir KR, enda ljóst misserum saman að gamla gervigrasið var langt í frá fullnægjandi og í raun ónýtt. Mikilvægum áfanga í framkvæmdamálum knattspyrnufélagsins náð," segir í tilkynningu KR.
„Öðrum gríðarlega mikilvægum áfanga var sömuleiðis náð í þessari viku þegar nýtt fjölnota íþróttahús KR var boðið út á Evrópska efnahagssvæðinu. Nýja húsið verður næstum 7000 fermetrar að stærð," segir jafnframt í tilkynningunni.
Það er komin hreyfing í framkvæmdamál KR en félagið stefnir einnig á að vera með gervigras á aðalvelli sínum á næsta ári.
„Það er því loksins komin alvöru hreyfing á framkvæmdamál Knattspyrnufélagsins sem er mikið fagnaðarefni. Stjórn og starfsmenn félagsins munu að sjálfsögðu halda áfram að fylgja framkvæmdamálunum eftir, því enn er því miður langt í land að aðstaðan verði með þeim hætti að við getum vel við unað - en þangað stefnum við að sjálfsögðu," segir Þórhildur Garðarsdóttir, formaður KR.
Athugasemdir
