Eden Hazard, leikmaður Real Madrid, mun ekki snúa aftur í liðið gegn Liverpool í Meistaradeildinni í kvöld.
Þetta var staðfest í gær en Hazard var ekki valinn í leikmannahóp Real fyrir leikinn í 8-liða úrslitum.
Hazard hefur verið meiddur síðan um miðjan mars en talið var að hann gæti snúið aftur fyrir þessa viðureign.
Zinedine Zidane, stjóri Real, sagði um helgina að Hazard væri á góðum batavegi en hann hefur þó ekki æft af fullum krafti síðustu daga.
Þessi þrítugi leikmaður mun því ekki leika með Real en fyrri leikurinn fer fram á æfingavelli liðsins á Spáni.
Athugasemdir
