Jóhann Berg Guðmundsson.
Jóhann Berg Guðmundsson segir að enska landsliðið eigi möguleika á því að vinna Evrópumótið í sumar. Þeir séu þó ekki sigurstranglegasta liðið og varnarleikurinn gæti orðið liðinu að falli.
Á fréttamannafundi á Wembley í dag var Jóhann beðinn um að meta möguleika Englands.
Á fréttamannafundi á Wembley í dag var Jóhann beðinn um að meta möguleika Englands.
„Það eru klárlega betri lið en þeir á þessu stórmóti. England er með ótrúlega leikmenn og sóknarleikurinn er frábær. Varnarlega er þar sem þeim vantar leikmenn í heimsklassa," segir Jóhann Berg.
„Sóknarlega eru þeir með nóg af heimsklassa leikmönnum, og á bekknum líka. Þeir eiga klárlega séns á að vinna þetta Evrópumót. Það var gríðarlega svekkjandi að tapa hér á Wembley gegn Ítalíu á síðasta EM og þeir vilja væntanlega ná skrefi lengra og vinna þetta."
England og Ísland mætast annað kvöld í vináttulandsleik á Wembley, hann hefst klukkan 18:45 að íslenskum tíma.
Athugasemdir
