Dusan Vlahovic
Thiago Motta er að taka við sem stjóri Juventus og stefnan er sett á að vinna titla.
Dusan Vlahovic framherji liðsins er bjartsýnn fyrir komandi tímum en liðið hefur ekki unnið ítölsku deildina síðan árið 2020.
„Juventus er eitt stærsta félag heims, það stærsta á Ítalíu og er vant að vinna bikara á hverju ári. Við vorum í baráttunni um titilinn þar til í febrúar en að lokum vann Inter sanngjarnt," sagði Vlahovic.
„Við höfum sannað að við getum þetta svo Juventus verður að vinna deieldina aftur, allavega setja markið á það. Það eru klárlega nýir tímar hjá Juventus, við erum með marga unga leikmenn. Við munum stefna á titilinn en ég get ekki sagt að við munum vinna hann á næstu leiktíð."
Athugasemdir
