Grindavík vann sannfærandi sigur í 2. deild kvenna í dag er liðið spilaði við Fram á heimavelli í 15. umferð.

Grindavík er að berjast fyrir því að komast upp í næst efstu deild og er í mjög góðri stöðu eftir 4-0 heimasigur.

Heimaliðið var einu stigi á undan Fjarðabyggð/Hetti/Leikni fyrir leik kvöldsins og sat í öðru sætinu.

Eftir sigurinn er Grindavík nú með 33 stig í öðru sætinu, tveimur stigum á eftir HK sem hefur leikið einum leik meira.

Grindvíkingar spila við Hamar í síðustu umferð deildarinnar og geta með sigri tryggt sér sæti í hærri deild.