Efsta liðið í Inkasso-deildinni, Fylkir mætir Íslandsmeisturum FH í 8-liða úrslitum Borgunarbikarsins. Dregið var í hádeginu í dag.
Ásgeir Börkur Ásgeirsson, fyrirliði Fylkis sagðist ekki hafa haft neina sérstaka drauma mótherja fyrir dráttinn, KR hafi þó komið upp í hugann.
Ásgeir Börkur Ásgeirsson, fyrirliði Fylkis sagðist ekki hafa haft neina sérstaka drauma mótherja fyrir dráttinn, KR hafi þó komið upp í hugann.
„Ég var ekki með neina sérstakar óskir þannig séð. Ég vildi heimaleik og það er raunin og ég er glaður með það."
„Á einhverjum tímapunkti í bikarnum þurfum við að mæta toppliði og það er fínt að gera það núna. Ég var eitthvað að tala um það áðan að ég vildi fá KR heima, þar sem við unnum þá tvisvar sinnum í vetur. Það hefði kannski verið drauma mótherji en FH er líka frábært," sagði Ásgeir Börkur.
Fylkir eru efstir í Inkass-deildinni með 13 stig að loknum fimm umferðum.
„Þetta hefur gengið vel. Þetta sýnir hversu sterkan og góðan hóp við erum með. Við höfum sýnt það ágætlega í Árbænum að vera svolítið í röffinu og þurfa að berjast fyrir hlutunum. Þetta hefur hentað okkur vel," sagði Ásgeir en liðið hefur unnið fjóra og gert eitt jafntefli.
„Síðan höfum við sýnt það þegar við höfum náð yfirtökum á baráttunni og öllu sem því fylgir þá höfum við náð að spila okkar leik og það hefur gengið vel."
Viðtalið í heild sinni má sjá í sjónvarpinu hér að ofan.
Athugasemdir
