07.06.23 - 15:13
Sæbjörn Þór Þórbergsson Steinke
Aron Kristófer mjög óheppinn - Gæti verið frá fram í ágúst
Aron Kristófer.
Mynd: Fótbolti.net - Hafliði Breiðfjörð
Aron Kristófer.
Mynd: Fótbolti.net - Hafliði Breiðfjörð
Aron Kristófer Lárusson, varnarmaður KR, hefur ekkert spilað til þessa á tímabilinu vegna meiðsla.
Þjálfarateymið var að gæla við að hafa Aron í hópnum gegn Stjörnunni í gær en meiðsli í lok æfingar á sunnudag komu í veg fyrir það. Rúnar Kristinsson, þjálfari KR, sagði í samtali við Aron Elvar Finnsson á mbl.is að Aron verði frá í talsverðan tíma.
Þjálfarateymið var að gæla við að hafa Aron í hópnum gegn Stjörnunni í gær en meiðsli í lok æfingar á sunnudag komu í veg fyrir það. Rúnar Kristinsson, þjálfari KR, sagði í samtali við Aron Elvar Finnsson á mbl.is að Aron verði frá í talsverðan tíma.
„Það eru sex til átta vikur í hann. Hann meiddist á æfingu í fyrradag, var orðinn 100 prósent klár og við vorum farnir að gæla við að hafa hann í hóp í leiknum í kvöld. Hann meiddist á síðustu sekúndu æfingarinnar, tognun einhvers staðar í ökkla. Ég veit ekki alveg hvað þetta er en við erum hræddir um að þetta geti tekið dálítið langan tíma, því miður," sagði Rúnar við mbl.is.
Aron Kristófer er 24 ára örvfættur varnarmaður sem getur spilað í miðverðinum, bakverðinum og í vængbakverðinum. Hann kom í KR frá ÍA eftir tímabilið 2021.
Aron Kristófer er 24 ára örvfættur varnarmaður sem getur spilað í miðverðinum, bakverðinum og í vængbakverðinum. Hann kom í KR frá ÍA eftir tímabilið 2021.
